?>
Хүүхдийн төлөө үндэсний зөвлөл, Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газраас “Оны онцлох хүүхэд” шалгаруулах арга хэмжээг уламжлал болгон зохион байгуулдаг.
2021 онд үндэсний болон олон улс, тив дэлхийн түвшинд оюун ухаан, мэдээллийн технологи, спорт, байгаль хамгаалал, хүмүүнлэг, сайн үйлсийн төрөлд 117 хүүхэд өрсөлдөж, онцгой амжилт гарган эх орноо сурталчилж, үе тэнгийн хүүхдүүдээ манлайлсан 30 хүүхэд “Оны онцлох хүүхэд”-ээр шалгарсан билээ.
Тус аймгаас “ОНЫ ОНЦЛОГ ХҮҮХЭД”-ээр шалгарсан Х.Ахжол, Б.Али-Рахман, А.Ерханат, И.Руслан нарыг газрын дарга хүлээн авч, уулзалт зохион байгуулан хүндэтгэл үзүүллээ.
Уулзалтын үеэр Хүүхдийн Төлөө Үндэсний Зөвлөлийн Тэргүүн бөгөөд Ерөнхий Сайдын илгээмжийг хүлээлгэн өгч, цаашдын сурлага хөдөлмөрийн амжилт хүсэж, газрын зүгээс гарын бэлэг гардуулах үйл ажиллагааг зохион байгууллаа.
Тодруулж хэлэхэд:
Байгаль хамгаалал, эрүүл аюулгүй орчин төрөлд шалгарсан Толбо сумын ЕБС-ийн 12 дугаар ангийн сурагч И.Руслан нь
Баруун бүсийн ЭКО клубын сурагчдын дунд зохион байгуулсан “ Ирвэстэй найзалсан 8 жил” үйл ажиллагааны хүрээнд “Уул ирвэс 2” даалгаврыг амжилттай гүйцэтгэн 1 сая төгрөг төсөл хэрэгжүүлэх эрхийн бичиг
-Сургуулийнхаа бүх “Шар гэрлийг сүүн гэрлээр солиход гарах давуу тал, хэмнэлт” сэдвээр илтгэл тавьж, баруун бүсийн хэмжээнд 2-р байр, Атга будаа сайн үйлсийн аяныг өрнүүлсэн зэрэг амжилтуудыг гаргасан.
Багийн амжилт төрөлд шалгарсан Дарын цогцолбор сургуулийн 11 дүгээр ангийн сурагч Х.Ахжол, Б.Али-Рахман, 12 дугаар ангийн сурагч А.Ерханат нар нь Ази, Европын орнуудын сургуулийн сурагчдын дунд зохион явуулсан “Хигашикава фото фестиваль”-д эхний шатанд Монгол улсын 19 сургуулийн дунд Тэргүүн байр эзэлж, Япон улсад болох Олон улсын гэр зургийн фестивальд амжилттай оролцож мөн ТЭРГҮҮН байр эзэлсэн зэрэг амжилтуудыг тус тус гаргасан.
